యంగ్ అండ్ టాలెంటెడ్ హీరో విశ్వక్ సేన్ ప్రస్తుతం నూతన దర్శకుడు రవితేజ ముళ్లపూడి దర్శకత్వంలో తన కొత్త చిత్రాన్నిచేస్తున్నారు. ‘#VS10’ అనే వర్కింగ్ టైటిల్ తో వస్తున్నా ఈ సినిమాను ప్రముఖ నిర్మాత రామ్ తాళ్లూరి ఎస్‌ఆర్‌టి ఎంటర్‌టైన్‌మెంట్స్ బ్యానర్‌పై భారీ స్థాయిలో నిర్మిస్తున్నారు. ఈ చిత్రంలో విశ్వక్ సేన్ కు జోడిగా మీనాక్షి చౌదరి నటిస్తోంది. ఇప్పటికే ఈ సినిమా మొదటి షెడ్యూల్ ను కూడా పూర్తిచేసుకుంది. అయితే ఇప్పుడు ఈ చిత్రం నుండి మరో అప్డేట్ వచ్చింది.
అదేంటంటే ఈ సినిమా టైటిల్ మరియు ఫస్ట్ గ్లింప్స్ ఆగస్ట్ 6వ తేదీన ఉదయం 11:11 గంటలకు రిలీజ్ చేయనున్నట్లు ప్రకటించారు మేకర్స్. ఇక ఈ పోస్టర్‌లో హై టార్క్ ఇంజిన్ త్వరలో ప్రారంభమవుతుంది అని ఉంది. ఈ చిత్రానికి జేక్స్ బిజోయ్ సంగీతం అందిస్తున్నారు. ఫన్ ఫుల్ ఎంటర్ టైనర్ గా రూపొందుతున్న ఈ చిత్రానికి ప్రముఖ సాంకేతిక నిపుణులు పనిచేస్తున్నారు.
