మూడేళ్ళ క్రితం వచ్చిన సినిమా నష్టాల గురించి, ఓ నిర్మాత సంస్థ ట్విట్టర్ వేదికగా నేరుగా హీరోని అడగటం అందరినీ ఆశ్చర్యపరిచింది. దీనిపై రకరకాల కామెంట్స్ వస్తున్నాయి. విజయ్ అభిమానులు సహా పలువురు అభిషేక్ పిక్చర్స్ తీరుని తప్పుబడుతున్నారు. సినిమా అనేది వ్యాపారం.. లాభనష్టాలు సహజం.. ఏదైనా సమస్య ఉంటే నిర్మాతతో మాట్లాడుకోవాలి కానీ ఇలా హీరోని పబ్లిక్ గా అడగటం ఏంటి?.. బడా ఫ్యామిలీకి చెందిన సినీ బ్యాక్ గ్రౌండ్ ఉన్న హీరోలను కూడా ఇలాగే ప్రశ్నించగలరా?.. అని నిలదీస్తున్నారు. ఏది ఏమైనా ఇలా పబ్లిక్ గా హీరోని టార్గెట్ చేస్తూ ట్వీట్ చేయడం అనేది అభిషేక్ పిక్చర్స్ తొందరపాటు చర్య అనే కామెంట్స్ వినిపిస్తున్నాయి.
