గీత గోవిందం వంటి బ్లాక్ బస్టర్ హిట్స్ తర్వాత మరోసారి విజయ్ దేవరకొండ, పరశురామ్ కలిసి ఓ సినిమా చేయబోతున్న సంగతి తెలిసిందే. VD13 వర్కింగ్ టైటిల్ తో వస్తున్న ఈ సినిమాను శ్రీ వెంకటేశ్వర క్రియేషన్స్ బ్యానర్‌పై ప్రముఖ నిర్మాత దిల్ రాజు మరియు శిరీష్ నిర్మిస్తున్నారు. ఇటీవలే యుఎస్‌ఎలో లొకేషన్ రెక్కీని పూర్తి చేసి త్వరలో షూటింగ్‌కు సిద్ధమవుతున్నట్లు మేకర్స్ ప్రకటించిన సంగతి తెలిసిందే.
అయితే తాజాగా ఈ సినిమా షూటింగ్ ప్రారంభమైనట్లు సోషల్ మీడియా వేదికగా ఒక పోస్టర్ ను షేర్ చేసారు మేకర్స్. అంతేకాదు “మా #VD13 #SVC54 కిక్ షూటింగ్ ఈరోజు ప్రారంభమైంది. సంక్రాంతి 2024కి సరైన ఎంటర్‌టైనర్‌గా మీకు హామీ ఇస్తున్నాము” అని ఆ పోస్టర్ పై రాసారు. ఇకపోతే సీతా రామం చిత్రంతో తెలుగులో ఆకట్టుకున్న మృణాల్ ఠాకూర్ ఈ సినిమాలో కథానాయికగా ఎంపికైంది. భారీ బడ్జెట్‌తో రూపొందుతున్న ఈసినిమా కోసం టాప్ టెక్నీషియన్స్ పనిచేయబోతున్నారు. ఇక ఈ ప్రాజెక్ట్‌కి సంబంధించిన మరిన్ని వివరాలు త్వరలో ప్రకటించనున్నారు.
The shoot of our #VD13 #SVC54 kick started today!🤩
Promising you a perfect entertainer for Sankranthi 2024.❤️🔥@TheDeverakonda #MrunalThakur @ParasuramPetla #KUMohanan @GopiSundarOffl @SVC_official pic.twitter.com/wEBkpqDROv
— Sri Venkateswara Creations (@SVC_official) July 15, 2023
